Адвокат Дејан Алексов е овластен регистрационен агент на Централниот Регистар на РМ, со што се овозможува обезбедување на правни услуги како основање, промени, ликвидација на Друштва и останати постапки пред ЦРРМ. Адвокатска канцеларија Алексов, специјализира во областите на трговското и деловното право и работи со голем број на млади компании, обезбедувајќи професионални услуги за своите клиенти и во останатите области како изготвување на Договори, Правна Ревизија, Заштита на личните податоци и Застапување пред судовите на РМ.

Артан Мемиши – адвокат во адвокатска канцеларија Алексов, со професионален фокус во областите на трговското и деловното право, особено во делот на основање и вршење на промени во трговските друштва, состав на договори на македонски и англиски јазик и соработка со млади компании, односно „стартапи“.

Кристијан Стевчев е соработник за корпоративно и трговско право, со посебен фокус на склучување договори, статути, правилници и правни конфликти кои произлегуваат од овие односи.

Гордана Николовска е соработник за информативни содржини во Адвокатска канцеларија Алексов, уредувач на информативниот блог од областа на стартап компаниите и регулативи поврзани со нив во земјата и ширум светот. Активно ја истражува поврзаноста на математиката и компјутерската наука со правото, со цел да се следат новите трендови и придобивките од нив, како и да се анализираат фундаменталните вредности кои се во темелот на науката за правото.

Јелица Мелова е адвокатски приправник кој го реализира приправничкиот стаж со цел оспособување за полагање на правосуден испит. Во канцеларијата се грижи за изготвување на нотарски платни налози, барања за извршување пред надлежни извршители, подготовка на документи за пред централен регистар како и за комуникација со надлежни институции, при добивање на работна дозвола и престој за странци.